'Lágrimas de mar', la hestoria d'una aguamala en busca de la so identidá
!['Lágrimas de mar', la historia de una medusa en busca de su identidad](https://www.rtpa.es/fotos//21/02/20210215140548_RTPA445706.jpg)
Un cuentu que funde dibuxu, música y narración
'Lágrimas de mar' funde dibuxu, música y narración. Sonia Marrón escribió la hestoria y Patricia Vázquez interpretó la flauta y diseñó les ilustraciones. Miriam del Río participó na grabación col harpa.
Sonia y Patricia son profesores de música. Empezaron a crear hestories musicales pa neños col grupu 'La lira de siete cuerdas'. Va unos años participaron en Fetén col espectáculu 'La ilustradora de sueños'. 'Lágrimas de mar' ye un pasu más na so pasión por averar la música clásica a los neños.
Interpreten temes de compositores franceses de finales del sieglu XIX y principios del XX. Un códigu QR da accesu a les melodíes y a la voz del actor Manuel Pizarro.
Grabáu nos estudios del Taller de Músicos del Antiguu Institutu, el proyectu recibió una ayuda del Conceyu de Xixón. El restu de financiamientu foi vía crowdfunding. Agora esperen que s'abran los zarros perimetrales pa poder presentalu.